ဗရန်ကုန်၊ စက်တင်ဘာ ၂၀
စိုးသူအောင်
ဗြိတိန်နိုင်ငံတွင် သင်တန်းတက်ရောက်နေသည့် တပ်မတော်သင်တန်းသား အရာရှိများအား ပြန်လည်စေလွှတ်ခဲ့သည့်အတွက် တပ်မတော်အနေဖြင့် ယင်းသင်တန်းသားများအား မြန်မာနိုင်ငံသို့ အမြန်ပြန်လည်ခေါ်ယူသွားမည့်အပြင် ယခင်ကကမ်းလှမ်းသဘောတူညီထားသည့် သင်တန်းသားများကိုပါ ဗြိတိန်နိုင်ငံသို့ ထပ်မံစေလွှတ်မည်မဟုတ် ဟုတပ်မတော်မှသတင်းထုတ်ပြန်သည်။
ရခိုင်ပြည်နယ်အတွင်းဖြစ်ပွားခဲ့သည့် ဖြစ်စဉ်များနှင့်ပတ်သက်၍ ဗြိတိန်ပါလီမန် အမတ်များက ဗြိတိန်နိုင်ငံတွင် သင်တန်းတက်ရောက်နေသော မြန်မာ့တပ်မတော်သင်တန်းသား များအား သင်တန်းဆိုင်းငံ့ပေးရန်တောင်းဆိုခဲ့ခြင်းဖြစ်ကြောင်း တပ်မတော်၏ စက်တင်ဘာ၂၀ ရက်ညပိုင်း ထုတ်ပြန်ချက်အရသိရသည်။
လတ်တလောတွင် အဆိုပါသင်တန်းသားအရာရှိများအား မြန်မာနိုင်ငံသို့ ပြန်လည် စေလွှတ်ခဲ့ရာ ၂၀၁၇ ခုနှစ်၊ စက်တင်ဘာလ ၂၀ ရက်နေ့တွင် လန်ဒန်မြို့ရှိ မြန်မာစစ်သံ (ကြည်း၊ရေ၊ လေ)ရုံး၌ သင်တန်းသားအားလုံး စုစည်းရောက်ရှိ ခဲ့ကြောင်းသိရှိရသည်။
မြန်မာ-ဗြိတိန် နှစ်နိုင်ငံတပ်မတော်နှစ်ရပ်အကြားတွင်လည်း ဆက်ဆံရေးနှင့်ပူးပေါင်း ဆောင်ရွက်မှုမြှင့်တင်သည့်အနေဖြင့် တပ်မတော်မှသင်တန်းသားအရာရှိ ၅ ဦး ဗြိတိန်နိုင်ငံတွင်သင်တန်းများ တက်ရောက် စေခဲ့ခြင်းဖြစ်ကြောင်းထုတ်ပြန်ချက်တွင်ရေးသားထားသည်။
တပ်မတော်အနေဖြင့် အိမ်နီချင်းနိုင်ငံများ၊ ဒေသတွင်းနိုင်ငံ များသာမက နိုင်ငံတကာတပ်မတော်များနှင့်ပါ ချစ်ကြည်ရင်းနှီးစွာ ပူးပေါင်းဆောင်ရွက်ရေးအတွက် ဆောင်ရွက်လှက်ရှိကြောင်းလည်းထုတ်ပြန်ချက်အရသိရသည်။
စက်တင်ဘာ ၅ ရက်နေ့ကလည်း မြန်မာ့တပ်မတော်အတွက် အခမဲ့ထောက်ပံ့ပေးထားသည့် လူ့အခွင့်အရေးနှင့်ပက်သက်ကာ လေ့ကျင့်သင်ကြားပေးခြင်းကဲ့သို့ အကူအညီပေး နေမှုများအားရပ်ဆိုင်းရန် ဗြိတိန်အစိုးရကိုတိုက်တွန်းကြောင်း Burma Campaign ( UK ) အဖွဲ့က တိုက်တွန်းထားသည်။
No comments:
Post a Comment