ရန်ကုန်၊
မတ် ၂၅ ။ ။
ဒေါ်အောင်ဆန်းစုကြည်ရဲ့မဲဆန္ဒနယ်ဖြစ်ခဲ့တဲ့ ကော့မှူးမြို့နယ်မှာ မဲဆန္ဒထည့်ရေး
အသိပညာပေးမှုတွေနည်းပါးနေတယ်လို့ ဒေသခံတွေက ဆိုပါတယ်။
ကော့မှူးမြို့နယ်က
ကျေးရွာတချို့မှာ ဧပြီလ ၁ ရက်မှာ စတင်တော့မယ့် ကြားဖြတ်ရွေးကောက်ပွဲအတွက်
မဲဆွယ်တာတွေနဲ့ မဲအသိပညာပေးတာတွေကို ပါတီတွေ၊ လူမှုရေးအဖွဲ့အစည်းတွေက
ပြုလုပ်တာရှိပေမယ့် လုံလောက်တဲ့အခြေအနေတော့ မဟုတ်ဘူးလို့ သိရပါတယ်။
“
ပညာပေးမှုအခြေနေတွေက ပါတီတွေက ဖြတ်သွားဖြတ်လာပဲရှိပါတယ်။ ရွာမှာ သူတို့
ဗီနိုင်းပုံလေးတွေ ကပ်တယ်။ ကျန်တာတော့ စာရွက်စာတန်းလေးတွေ ဝေတယ် ။ ဒါပဲ လုပ်ပါတယ်
” လို့
ကော့မှူးမြို့နယ် မ၀န်းကျေးရွာရပ်ကျေးကော်မရှင် ဥက္ကဋ္ဌ ဦးစောရန်က ပြောပါတယ်။
အခုလို
ပညာပေးမှုတွေနည်းပါးနေသလို မဲဆန္ဒရှင်တွေကလည်း
ကြားဖြတ်ရွေးကောက်ပွဲဖြစ်တဲ့အတွက်ကြောင့် စိတ်ဝင်စားမှုတွေလျော့နည်းနေတယ်လို့
ကော့မှူးမြို့နယ် ၀ါးဘလောက်သောက် စံပြ ကျေးရွာ ရပ်ကျေးကော်မရှင် ဥက္ကဋ္ဌ
ဦးကျော်မြင့်က မှတ်ချက်ပြုပါတယ်။
မ၀န်းကျေးရွာမှာ
မဲဆန္ဒရှင် ၉၀၀ ကျော်ရှိပြီးအခုအချိန် (မတ် ၂၅) ထိ မဲသက်သေခံလာရောက်လျှောက်ထားသူ
၁၀၀ လောက်ပဲရှိသေးတယ်လို့ ရပ်ကျေးကော်မရှင်ကသိရပါတယ်။
“
အရင်ကတော့ ဒေါ်အောင်ဆန်းစုကြည်ကို မဲပေးတော့ အကွက်လေးထဲ ခဲတံနဲ့ခြစ်တာပေါ့။ အခု
ဘာမှ မပြောသေး၊ လာလည်းမပြသေးဘူး ။ လာလည်းမစည်းရုံးသေးဘူး။
အေးအေးဆေးဆေးနေကြသေးတယ် ”ဟု ကေားမှူးမြို့နယ်
ထန်းမနိုင်ကျေးရွာနေ ဦးတင်ထွန်းက ပြောဆိုပါတယ်။
ကော့မှူးမြို့နယ်မှာ
အိမ်ထောင်စုပေါင်း ၃ သောင်းလောက် နဲ့ မဲပေးခွင့်ရှိသူ ၉ သောင်းနီးပါး ရှိနေတယ်လို့
သိရပါတယ်။ ပြည်သူ့လွှတ်တော်တစ်နေရာအတွက် ကော့မှူးမြို့နယ်မှာ ရွေးကောက်ခံ
လွှတ်တော်အမတ် ၉ ယောက် ရှိနေပြီး ၂၀၁၇ ကြားဖြတ်ရွေးကောက်ပွဲမှာ
ယှဉ်ပြိုင်သူအများဆုံးမဲ ဆန္ဒနယ်လည်းဖြစ်ပါတယ်။
No comments:
Post a Comment